افضل عضو فى الاسبوع 16/11/2012

[medhat4forex]

السلام عليكم ورحمة الله

هذا اول موضوع معنوى فى المنتدى نعمله وهو لاختيار افضل عضو فى الاسبوع وسيكون التصويت كل اسبوع من يوم الاربعاء الى يوم الجمعة قبل الصلاة وبعد صلاة الجمعة اعلان النتيجة للى حصل على اعلى اصوات له

سيتم اختيار الاعضاء بناءا على :
1- ان يكون مقدم توصيات
2- متابع لورشة عمل ما
3- ان يكون له موضوعات تعليمية هامة ومفيدة للاخرين
4- ان يكون له مواضيع نقاشية بجدوى للجميع
5- ان يكون له ردود كلها ذات قيمة ومفيدة للاخرين


سيتم كتابة اسماء اكتر الاعضاء نشاطا فى الاسبوع

واللى مطلوب منكم بعد التصويت تقولوا لماذا تم اختيار اسم العضو الفلانى فقط

############################################################


خارجا عن الموضوع انا قررت انى انا اللى اختار الاسماء للتالى :
1- لاننى من القدامى فى المنتدى واعرف تقريبا كل الاعضاء وتقريبا بشوف اغلب مشاركاتهم
2- لاننى بشارك كل يوم فى المنتدى وفى الغالب بقرا كل المشاركات التى فى الصفحات وببقى عارف من منهم يشارك لخدمة الاخر وهكذا

وارجوا ان تتقبلوا هذا


############################################################

[EgyTrading]

بدايه موفقه ان شاء الله
يشرفنى ان اضع اول ترشيح لاخى السكندرى
والسبب نشاطه الملحوظ فى ورش التحليل وورشه التوصيات
وايضا ردوده الهادفه والمفيده للاعضاء

[forex10]

و اخيرا اتفعلت الحكاية دي يا اخي مبروك علينا المسابقة دي و مبروك عليك انت كمان لانك اقدم عضو يحصلي الشرف ان اكون اول واحد برد عليك و ان شاء الله الكل يجتهد عشان يكون الفائز و يطلع اسمه ينور في المنتدى

[medhat4forex]

انا هرشح

daisy

والسبب انه عضو جديد والنشاط ملحوظ فى كتابة مواضيعه بافكار فعلا جديدة ومحاولة لتنشيط القسم





لا ننسى ان نختار احد الاعضاء فى الاستطلاع فى الاعلى يا اخوانى

[jamica]

هما ما شاء الله كلهم بيحطوا مشاركات مفيده و كلهم يستحقوا المركز الاول بس انا عن نفسى اختار السكندرى لانه متميز اليومين دول الصراحه
مع ان كل الاعضاء ما شاء الله عليهم

[imaddine1986]

والله كل الاعضاء مميزين لتعاونهم ومساعداتهم
انا رشحت zidane88
لانه يعمد لمساعدت الاخرين ورد على استفساراتهم

[ahmed rabee]

انا اخترت اسامه .... ردوده مفيده وفي الموضوع علي طول

بس بصراحه انا احترت كتير يعني قبل ما اختار ... انت جايب ناس يا مدحت كلهم متميزين بس نسيت انت تحط اخونا ايجي تريدينج عشان انا قعدت ادور عليه ملقتهوش لان له موضوع التحليل الرقمي ممتااااااااااااااااااااااااااااااااااااااااااااااز ويستاهل افضل عضو في السنه كمان مش في الاسبوع بس

[asya]

انا بفكر اعمل لكم مشكله وارشح الاخ مدحت

لانى لسه جديده وللاسف مش عارفه معظم الاعضاء

لكن فيه ناس واضحه امامى الى الان على الاقل

وشكرا

[ma90do]

بصراحه انا لسه جديد في هذا المنتدي تقريبا وهنتابع واشارك قريب ان شاء الله وكل الاعضاء هنا كويسه ومميزه وتسعي الي التقدم والتفوق

[medhat4forex]

شكرغا لمشاركتكم
وشكرا للى عايز يرشحنى بس للاسف مش هينفع احط اسمى

وبالنسبة للاخ ايجي تريدر هو اصلا من وجهة نظرى الافضل فى المنتدى ككل ولكن انا على تواصل مستمر معه وعندما طرحت عليه فكرة الموضوع هو من رفض ان يتم وضع اسمه ، بالرغم انى متاكد لو اسمه فيها لحصل على اغلبية

[midosafwat]

انا اخترت السكندرى
لانه عامل كذا ورشة وتحليلات وسكالبينج واحنا كلنا متابعين معاه وبصراحة صفقاته مية مية

[faress_msr]

موضوع متميز من اخ عزيز و نشيط وكنت اتمني لو كان اسمك في القائمة واشكرك علي وضعك لاسمي رغم اني صراحة لم اكن نشيطا بدرجة كافية الفترة الماضية لانشغالي ببعض الظروف الطارئة ..وبالفعل القائمة بها الكثير من الاعضاء النشيطة وانا اخترت اخونا مادو ايجي لانه نشيط في توجيه الاعضاء في تفعيل الحسابات وكان له مجهود في توضيح فكرة تفعيل الحساب باستخدام البطاقة بل وافرد لها موضوعا يشرح به الفكرة بالصور اتمني التوفيق لكل المشاركين

[soso1691]

موضوع كويس اوى وهيشجع الاعضاء هنا فى المنتدى وانا خلاص اخترت واخترتها تكون عضوة زى انا فى صف البنات واحب اشجعهم

[elzeel]

كنت اتمنى طبعا ان اسمى يكون من ضمن الموجودين ولكن مش مشكله طالما انتو بتختارو على مقاييس
لكن بالنسبه للتوصيات انا بضع فرصى دايما
وبالنسبه للمواضيع التعليمه الحمد لله بنزل مواضيع
بمعنى اصح حاولو انكم تشملو قائمه اكبر للاعضاء

[amrmorasamir]

تمت المشاركه وفعلا المضووع ممتاز جدا والله يامدحت وان شاء الله الاسبوع القادم نشوف اسماء الناس كلها هنا