مميزات أدارة رأس المال

[djameled]

مميزات أدارة رأس المال
1- تبعد عنك ضيف الفوركس الثقيل (المارجن كول)
2-تحقق لك اقصى استفادة من حسابك طبقا لنسبه المخاطرة اللى انت محددها
3-تجعلك تفرض على الفوركس اسلوبك وانت عايز تكسب كام وتخسر كام .
4-تجعلك لا تخشى الخسائر فأهلا بالخسائر فى اى وقت كله معمول حسابه.
5- تقتل شبح الخوف من السوق.

من فترة ليست بقصيرة و بعض المضاربين الكبار لسه بيستخدموا نسب صنمية فى ادارة الحساب وبعضهم ملتزم بيها حتى الان
يعنى مثلا: انا بضارب يـ 1% لا انا بضارب بـ 10 % لا انا بـ كذا%
ابو 1% لا يستفيد برأس ماله
ابو 10% عرضه للضربات القوية
ابو كذا% لقى دول شغالين بـ1% و دول شغاليين بـ10% قال خلينا فى الوسط

مبدأيا مارجن 1:100 هو المارجن المناسب لهذا السوق و فوق هذا فهو عيب و ليس ميزة
ولن ندخل فى المارجن بس لا تعمل على مارجن اكثر من 1:100

احسن مبدأ لادارة رأس المال هو
(( احسب خسارتك قبل مكسبك ))
بس

تطبيق عملى
انا بستغل بأستراتيجية استوبها 50 نقطه وهدفها 60 نقطه
وحسابى بـ 1000 دولار
اسأل نفسى انا عايز اخسر كام كل صفقه ؟
انا هقول 50 دولار انت هتقول 100 غيرك هيقول 20 دولار
بعد التدقيق فى امكانيات استراتيجيتك فرضنا انك اخترت ان لا تخسر اكتر من 50 دولار فى الصفقه
همممممم
يعنى انت استوبك 50 و مش عايز تخسر اكتر من 50 دولار
يعنى لازم يكون سعر النقطه = 50 دولار ( اقصى مبلغ عايز تخسره) / 50 نقطه (استوبك )
= 1 دولار
ايه اللوت اللى نقطته بــ 1 دولار فى المارجن 1:100 ؟
10k
اذن انت هتفتح الصفقه دى بـ10k

ومش عايز اعرف دى تطلع كام فى الميه من حسابى
وتضرب استوب او متضربش مش مهم .... حسابى اما هيزيد 60 دولار او هيقل 50 دولار
اما الحمد لله او بارك الله فى ما رزق

وكل مرة تفتح صفقه كرر العملية دى


اعرف استوبك
شوف عايز تخسر كام
اقسمهم على بعض لتعرف سعر النقطه
شوف سعر النقطه يجيبلك لوت وبكام


وان شاء الله هتنسى الخوف وهتحقق اقصى ربحيه من حسابك طبقا لمستوى مخاطرتك

اتمنى تكون المعلومة مفيدة
و نكون قدرنا على حسم موضوع أدارة رأس المال

[blacktree]

���� ��� �������

[fe_arwa]

ممميزات رائعة جدا وياريت الكل يستفاد منها زى ما انا استفدت وربنا يوفق الجميع

[beso2008]

اهم شى انها بتحميل من الخسارة والاضرار براس مالك ووسلية للمكسب والنجاح

[shihabfx]

أنا بالفعل قرأتها وقرأت غيرها فى نفس المجال ولكن مازلت لا أستطيع لن افهمها

[Kingman]

طبعا هو لازم المرونة فى ادارة راس المال مرة صفقة 1% مرة 5% مرة 10 % وده طبعا حسب قوة الصفقة
لكن يجب الا تزيد عن 10% حتى عند الخسارة نستطيع التعويض بسهول